Ç’MENDON KLIENTI NË PREZANTIMIN E PARË ME JU?

Foto Ilustrative: Takim biznesi midis dy personave. Burimi: Google

Sipas studimeve të fundit, njëri prej universiteteve më prestigjoze të menaxhimit në Sh.B.A arriti në perfundimin që jane dy mendime:

Mendimi i parë: Klienti sapo bie në kontakt me ju, menjëherë mendon: A mund ti BESOJ këtij personi?

Ky paraqet një mendimin-instiktiv ‘Personal’ , i cili shfaqet edhe jashtë marrëdhenieve të biznesit.

Ndaj, kuptohet që po të njejtat instikte, indirekt mund të dallojnë në më të shumtën e rasteve nëse po shtireni, po mashtroni apo nëse po perpiqeni të manipuloni palën tjetër.

Mendimi i dytë: Pasi klienti ‘ju beson’ , ajo ç’ka më së shumti vjen ndërmend është ‘A do mundet dot ky person që të PERMBUSHI ME SUKSES KËRKESAT e mia, ashtu siç duhet? ‘

Ky paraqet një mendimin-instiktiv ‘Profesional’, i cili shfaqet kryesisht brenda marrëdhenieve të biznesit.
Ndaj, secila palë, pasi ka arritur të ketë mirëbesimin, angazhohet që të krijoje një lidhje nga e cila të dy mund të përfitojnë.

Thënë këto, mund të na lindë pyetja nëse ka ndonjë mënyre apo teknikë për të krijuar besim te pala tjetër, ose për të thënë apo bërë gjerat e duhura, të cilat mund ta sigurojnë tjetrin si dhe të sigurojmë ecurinë e bashkëpunimit?

Këshilla ime personale (por dhe profesionale), bazuar mbi studime të tilla, por mbi të gjitha e vertetuar praktikisht në biznesin tim është: Nuk ka mënyra dhe teknika më efikase se sa të jesh VETVETJA dhe të sillesh natyrshem dhe me mirekuptim në çdo situatë.

Kjo qasje jo vetëm që ndihmon që ti bëjmë punët më kollaj (pa qënë nevoja që të aktojmë, të kopjojmë apo të mundohemi për tu dukur ata që sjemi), por na ndihmon që të qartësojmë dhe ndërtojmë gradualisht MODELIN TONË.

Me këtë qasje, së pari: personi dhe profesioni bëhen NJË GJË = Profesionist. Dhe nuk rrezikojmë që puna të na ‘transformojë’ në atë që nuk jemi.
Dhe, së dyti: nëse nuk do arrijmë të kalojmë ndonjë sfidë më sukses, do kemi fituar mendësinë e duhur ( = Prej Profesionisti) për të analizuar me realizëm shkakun që solli pasojën, dhe kështu mund të përmirësojmë diçka të vetja, përpara se të fajesojme palën tjetër, tregun apo faktorë të tjerë të jashtëm.

Në këtë mënyrë, dhe vetëm në ketë mënyre, bizneset që sot janë MODELE botërore kanë filluar që të ndërtojnë MODELIN e tyre. Duke u bazuar në VLERA reale dhe të qëndrueshme, tek të cilat ata besonin sepse ishin thjeshtë ‘të sinqerta’. Dhe vlera më të qendrueshme, reale dhe të sinqerta se sa ato të cilat burojnë nga vetë njerëzit për njerëzit, deri tani nuk janë zbuluar!